Tanggal 10 Djulhijjah disyareatkeun ku Alloh SWT minangka waktu pikeun dziir ka Mantenna. Nyeueurkeun dzikir ka Alloh, ngarupakeun bukti kata’juban urang kana sagala ciptaan katut irodat Alloh dina patalina jeung kahirupan manusa.
Dina tanggal 10 Djulhijjah aya syareat Alloh nu parantos disunnahkeun ku Rosulullah SAW sangkan dilakonan ku sakumna umat Islam pikeun ngalaksanakeun sholat idul adha nu diteraskeun ku Udhiyah (meuncit) kurban. Anapon jalma anu keur ngalakonan ibadah haji aranjeunna saparantos wukuf di arofah terus maledog Jumrotul Aqobah di Mina tujuh kali bari maca takbir.
Amalan ibadah diluhur ngarupakeun rekontruksi tina perbuatan anu dilakonan ku Nabi Ibrohim as. Sarengsena ngalaksanaeun sholat Idul Adha terus meuncit kurban, mangka urang the lir ibarat actor maen film nu keur merankeun tokoh Ibrohim .nalika anjeunna meuncit ismail putrana. Minangka bukti kasatiaan katut kataatan ka Alloh SWT. Nyakitu deui nu keur ngalaksanaken ibadah haji dina watu maledog jumrotul aqobah, Mangka aranjeunna eta teh keur merankeun Siti Hajar nalika anjeunna maledog / ngusir ka setan.
Kulantaran jadi actor pikeun merankeun Nabi Ibrohim jeung Siti hajar nyakitu deui Ismail. Ku sabab kitu urang kudu bisa ngajiwaan sikep, pandangan jeung cita-cita aranjeunna. Urang sadayana diperedih kudu “menghayati” kahirupan kulawarga bisa ngabuahkeun kataatan tur kasatiaan ka Alloh taala.
Sangkan urang bisa menghayati kahirupan katut sikep sarta sifat Nabi Ibrohim nu dipiharep ngabuaheun amal ibadah urang, maka urang kudu nganyahokeun heula kana “karate” Nabi Ibrohim. Pikeun nganyahokeun sifat sarta tobeat Nabi Ibrohim as , Alloh parantos ngabewaraeun ka urang sadayana nyaeta tina Qur’an surat al-Mumtahanah ayat opat, nu hartosna :
“sabenerna dina kahirupan Ibrohim aya conto anu hade pikeun aranjeun” (Al-Mumtahanah : 4)
Dina ayat nembe eces tur tembres pisan yen Nabi Ibrohim as teh aya conto nu udu di alap pelajaran, diantarana N. Ibrohim kagungan sikep nu tegas, teu nyampurkeun nu haq jeung batil, antara Tauhid jeung syiriq, kawantun anjeunna tetela wani nyatakeun salah sanajan ka panguasa (Raja) nu dholim. Tina jiwa Ibrohim as teu aya saeutik oge rasa oportunis (leletak) ka panguasa lantaran hayng kapake. Tah sifat nu kitu diantarana nu disebut Uswatun Hasanah conto nu hade nu kudu di teladani ku urang sadayana.
Bersihna aqidah tina kasyirikan, pengkuhna sikap dina nanjeurkeun hak, leberna wawanen dina amal ma’ruf nahyi munkar, istiqomah tina mertahankeun ayakinan jeung pamadegan kudu leuwih diheulakeun sangkan jadi “kapribadian” urang sangkan ngarasa hampang ngalaksanakeun tugas ti Alloh SWT.
Ujian nu di paparinkeun Alloh taala nyata kacida beuratna, yen N. Ibrohim kudu meuncit putrana ku anjeun . mung ibrohim lulus banglus tiasa nyumponan parentah Alloh. Nyakitu deui pikeun Ismail as jeung Siti hajar aranjeunna masrahkeun dirina pikeun dipake lambang kataatan katut kasatiaan ka Alloh SWT sanajan kudu perlaya jiwa jeung berhasil merangan pangaruh setan nu geus ngajadikeun ragu kana parentah Alloh diantarana ku dibalegogan (maledog jumroh).
Nu kalaman ku urang kiwari, pikiran urang teu sirikna ditomplokeun pikeun mikiran kumaha carana sangkan perjuangan anu luhung Nabi Ibrohim sakulawarga nyaeta ngalaksanakeun parentah Alloh ta’ala “tertanam” tina diri urang, kumaha carana urang bisa ngajauhkeun tina kamaksiatan katut kabatilan salian ti eta kumaha carana urang bisa nutupan abocoran-kabocoran anu nyelewenga dina aturan sarta terus ngaronjetkeun produksi saloba-lobana sebagai inventaris amal anu langgeung .
Dina ngalaksanakeun parentah Alloh nu mangrupa amal soleh, saperti : sholat, infaq, sodaqoh, kurban, haji. Kacida hadena mun dibarengan ku ninggalkeun sagala rupa kamaksiatan, kamusyrikan jeung kabatilan-kabitalan nu sejena nu matak nyieun rugi kana diri urang sorangan. Tapi orokaya mun produksi ditingkatkeun tapi panyelewengan masih dilakukeun, parentah Alloh dipigawe cegahanana dikeureuyeuh, jalma nu model kitu teu aya bedana jeung hiji awewe nu ninun kaen, saeunggeus beres tur kuat terus kumanehna diudar deui (Qs. An-Nahl :93) cape gawe teu kapake.
Aya hikmah tasyri nu kudu dijadikeun ibroh tina peristiwa kurban Nabi Ibrohim as nyaeta meuncit putra semata wayangna, mun diukur kurarasaan saha pijalmaeunana nu teu nyaah kanu hiji anak, tapi Ibrohim yakin Alloh leuwih nyaah kaanjeuna jeung ka putrana. Eta ngabuktikeun Ibrohim pasrah tumarima kana parentah Alloh ta’ala sadar kana diri inget temah wadi lir diri teu boga nu dipika risi sadaya kagungan gusti nu maha suci. Peryogi diuninga kuurang sadaya teu patos Alloh maparin parentah sanajan pait peuheur karasana tapi saestuna aya Hikmah nu kacida gedena. Conto parantos ka alaman ku jungjunan Nabi Ibrohim as anjeuna lulus banglus ngayakinkeun sagala parentah Alloh moal aya nu ngandung bahaya, buktosna kudu meuncit jalma (putrana) akhirna di gantiaan ku domba nu hikmahna eta daging domba bisa ngabantu ngasejahteraken urang sadayana.
Wallohu`alam bis showab (AAA 31 / 10/ 2011)
Tidak ada komentar:
Posting Komentar